انسپکٹر جنرل آف پولیس خیبر پختونخوا ڈاکٹر ثناءاللہ عباسی نے محرم الحرام کے موقع پر پشاور میں سکیورٹی انتظامات کا جائزہ لینے کے لئے آج کوہاٹی گیٹ میں قائم پولیس کمانڈ پوسٹ کا دورہ کیا۔

Khyber Pakhtunkhwa Police August 30, 2020
انسپکٹر جنرل آف پولیس خیبر پختونخوا ڈاکٹر ثناءاللہ عباسی نے محرم الحرام کے موقع پر پشاور میں سکیورٹی انتظامات کا جائزہ لینے کے لئے آج کوہاٹی گیٹ میں قائم پولیس کمانڈ پوسٹ کا دورہ کیا۔ جہاں وہ کمانڈ پوسٹ کے مختلف حصوں میں گئے اور کمانڈ پوسٹ میں محرم کے حوالے سے اُٹھائے گئے پولیس اقدامات کا تفصیلی جائزہ لیا۔ پولیس کمانڈ پوسٹ کے دورے کے موقع پر چیف سیکرٹری خیبر پختونخوا ڈاکٹر کاظم نیاز ، کمشنر پشاورڈویژن امجد علی خان، سی سی پی او پشاور محمد علی گنڈا پور، ضلعی انتظامیہ اور پولیس کے اعلی حکام ان کے ہمراہ تھے۔
ایس ایس پی آپریشن پشاور منصور امان نے محرم کی سکیورٹی کے حوالے سے آئی جی پی کو نقشوں اور چارٹوں کی مدد سے تفصیلی بریفنگ دی۔ انھوں نے آئی جی پی کو بتایا کہ کمانڈ پوسٹ میں صدر اور شہر سے نکالے جانے والے ماتمی جلوسوں کی سی سی ٹی وی کیمروں اور ڈرون کیمروں کے ذریعے لمحہ بہ لمحہ مانیٹرنگ کی جارہی ہے.
اس موقع پر بات کرتے ہوئے آئی جی پی نے کہا کہ عوام کے جان و مال کا تحفظ پولیس کی اولین ذمہ داری ہے اور پولیس عوام کی وابستہ توقعات پر پورا اُترتے ہوئے پرامن عاشورہ محرم کو ہر قیمت پر یقینی بنائے گی۔ آئی جی پی نے کہا کہ خیبر پختونخوا پولیس ہر قسم کے ناخوشگوار واقعے سے نمٹنے کے لیے پوری طرح الرٹ اور تیار ہے۔ قانون نافذ کرنے والے دیگر اداروں اور پولیس کے مابین ہم آہنگی اور موثر رابطہ قائم ہے۔ صوبے میں دہشت گردوں اور سماج دشمن عناصر کے خلاف انٹیلی جنس پر مبنی آپریشن کئے جارہے ہیں۔ آئی جی پی نے اعلیٰ پولیس حکام کو ضروری ہدایات بھی جاری کیں اور کہا کہ پولیس محرم الحرام کے موقع پر امن و امان کے قیام کے لیے فرقہ ورانہ ہم آہنگی، مذہبی بھائی چارے کے قیام اور شرپسندوں پر کڑی نظر رکھنے کے لیے موثر اور جامع حکمت عملی کے تحت اقدامات اُٹھائیں۔
آئی جی پی نے جدید طرز پراُٹھائے گئے پولیس اقدامات پر اطمینان کا اظہار کیا ۔ آئی جی پی کمانڈ پوسٹ میں ڈیوٹی انجام دینے والے دیگر اداروں کے عہدےداروں سے بھی ملے اور محرم کی سکیورٹی کے حوالے سے اُن کی کاوشوں کی تعریف کی۔
Tags
Reactions
Khyber Pakhtunkhwa Police

Posted by Khyber Pakhtunkhwa Police

Protect life, property and liberty of citizens. • Preserve and promote public peace. • Ensure that the rights and privileges, under the law, of a person taken in custody are protected. • Prevent the commission of offences and public nuisance. • Collect and communicate intelligence affecting public peace and crime in general. • Keep order and prevent obstruction on public roads and in the public streets and thoroughfares at fairs and all other places of public and in the neighborhood of and at the places of public worship. • Regulate and control traffic on roads and streets. • Take charge of all unclaimed property and to prepare its inventory. • Detect and bring offenders to justice. • Apprehend all persons whom he/she is legally authorized to apprehend and for whose apprehension, sufficient grounds exists. • Ensure that the information about the arrest of a person is promptly communicated to a person of his choice.

Post a Comment

0 Comments