انسپکٹر جنرل آ ف پولیس خیبر پختونخوا ڈاکٹر ثناءاللہ عباسی کا ٹریننگ سینڑ پاڑا چنار کا دورہ۔

 انسپکٹر جنرل آ ف پولیس خیبر پختونخوا ڈاکٹر ثناءاللہ عباسی کا ٹریننگ سنڑ پاڑا چنار کا دورہ۔

ٹریننگ سنٹر 8 بلوچ پاڑاچنار پہنچنے پر بریگیڈیئر نجف کمانڈنٹ 73 بریگیڈ، کرنل جاوید عباسی 8 بلوچ، میجر صالحین پرنسپل ٹریننگ سنڑ پاڑاچنار ، ڈی پی او کرم قریش خان اور دیگر اعلیٰ حکام نے آئی جی پی کا استقبال کیا۔

اس موقع پر کرنل جاوید عباسی نے آئی جی پی کو ٹریننگ کے بارے میں تفصیلی بریفنگ دی۔ آئی جی پی کو بتایا گیا کہ 400 سابقہ خاصہ دار اور لیویز اہلکاروں کو پولیس کی بہترین ٹریننگ دی جارہی ہے جس میں ان کی جسمانی فٹنس، مروجہ پولیس قوانین، بنیادی انسانی حقوق کی پاسداری، پیشہ وارانہ صلاحیتوں اور استعداد کار بڑھانے پر خصوصی توجہ دی جارہی ہے۔ آئی جی پی کو بتایا گیا کہ زیرتربیت پولیس اہلکار پوری تندہی اور جانفشانی کے ساتھ تربیت کے حصول میں مگن ہیں۔ اس موقع پر زیرتربیت پولیس اہلکاروں نے آئی جی پی کو پیشہ وارانہ مہارت کے مظاہرے پیش کیے جس میں جدید اسلحہ کے استعمال، عوام کی جان ومال کی حفاظت، VIPs کی حفاظت اور اغواءکاروں کے چنگل سے مغوی کی باحفاظت بازیابی جیسے مشکل اور حساس آپریشنز شامل تھے۔

بعدازاں انسپکٹر جنرل آف پولیس خیبر پختونخوا ڈاکٹر ثناءاللہ عباسی نےگورنر کاٹیج پاڑا چنارمیں منعقدہ پولیس دربار میں شرکت کی۔ اس موقع پر اپنے خطاب میں آئی جی پی نے ٹریننگ کی بہترین سہولیات اور معیاری تربیت کی فراہمی پر پاک فوج کا شکریہ ادا کیا۔ آئی جی پی نے کہا کہ بنیادی تربیت جوانوں کی استعداد کار بڑھانے اور درپیش چلینجز سے پیشہ وارانہ انداز میں نمٹنے کے لیے رگوں میں دوڑنے والے خوان کے مترادف ہے ۔ انہوں نے زیر تربیت پولیس اہلکاروں پر زور دیا کہ وہ اس موقع کو غنیمت سمجھ کر اپنے آپ کو ہر قسم کی پیشہ وارانہ مہارت سے آراستہ کریں۔ انہوں نے مزید کہا کہ پولیس ٹریننگ نہ صرف ان کے کرئیر میں سنگ میل ثابت ہوگا بلکہ عوام کو ان کے حقوق اور انصاف کی بروقت فراہمی میں بھی کلیدی کردار ادا کرے گا. آئی جی پی نے کہا کہ پولیس میں انضمام کے بعد تمام خاصہ دار اور لیویز اہلکاروں کو دیگر پولیس کے برابر حقوق حاصل ہو گئے ہیں اور ان کو شہداءپیکج اور تمام مراعات پولیس کے برابر دیے جارہے ہیں۔ انہوں نے کہا کہ ضم شدہ اضلاع کی پولیس کو ترقی کے یکساں مواقع حاصل ہیں۔ آئی جی پی نے کہا کہ ضم شدہ اضلاع کی پولیس کو معیاری تربیت، جدید اسلحہ، سکیورٹی و مواصلاتی آلات اور گاڑیوں کی فراہمی تیزی سے جاری ہے۔ انہوں نے کہا کہ ضم شدہ اضلاع کی پولیس کو بہترین اور مثالی فورس بنا رہے ہیں۔

پاڑا چنار دورے کے موقع پر ڈی پی او کرم نے چہلم امام حسین کے حوالے سے آئی جی پی کو سکیورٹی انتظامات کے بارے میں تفصیلی بریفنگ دی۔ آئی جی پی نے امن و امان کے قیام میں پاک فوج کے کردار کو سراہا اور اس عزم کا اعادہ کیا کہ خطے میں دیر پا امن اور خوشحالی کے سفر کو کامیابی سے ہمکنار کرنے کےلئے پولیس اور پاک فوج شانہ بشانہ کام جاری رکھیں گے۔ بریگیڈیئر نجف کمانڈنٹ 73بریگیڈ نے آئی جی پی کو یادگاری شیلڈ پیش کی۔